चीनको कोइला खानीमा शक्तिशाली विष्फोट, कम्तीमा ९० जनाको मृत्यु

उत्तरी चीनको सान्सी प्रान्तमा रहेको एउटा कोइला खानीमा ग्यास विष्फोट हुँदा कम्तीमा ९० जना श्रमिकको मृत्यु भएको छ। तोङझाउ ग्रुपद्वारा सञ्चालित ‘लिउसेन्यु कोइला खानी’ मा शुक्रबार बेलुका यो दुर्घटना भएको हो ।

विष्फोट स्थानीय समय अनुसार शुक्रबार बेलुका १९:२९ बजे भएको थियो, जतिबेला खानीभित्र २४७ जना श्रमिकहरू कार्यरत थिए। दुर्घटना लगत्तै सयौँको सङ्ख्यामा उद्धारकर्मीहरू घटनास्थलमा खटिएका छन्। दुर्घटनामा घाइते भएका १०० भन्दा बढी व्यक्तिलाई उपचारका लागि अस्पताल लगिएको छ भने खानीभित्र फसेकाहरूको खोजी र उद्धार कार्य अझै जारी रहेको छ।