‘माइजोगमाई रैथाने गाथा’मा विशिष्ट व्यक्ति र स्थानीय प्रतिभालाई सम्मान

इलाम । रैथाने कला, साहित्य र पहिचानलाई प्रवर्द्धन गर्ने उद्देश्यले इलामको माइजोगमाई गाउँपालिकामा आयोजित ‘माइजोगमाई रैथाने गाथा’ सम्पन्न भएको छ । माइजोगमाई सेवा समाजको आयोजनामा जेठ ३० गते ‘माइजोगमाई रैथाने गाथा’ सम्पन्न भएको हो ।

‘माइजोगमाई रैथाने गाथा’को सुरुआत मौलिक र सांस्कृतिक पहिचान झल्कने र्‍यालीबाट भएको थियो । माइजोगमाईमा बसोबास गर्ने राई, लिम्बू, बाहुन, गुरुङ, शेर्पा, लेप्चालगायत जातीय समुदायहरू आ–आफ्नो चेतनामूलक नाराहरू लेखिएका ब्यानरसहित झाँकी प्रदर्शन गरिएको थियो ।