बकैया गाउँपालिकाले तोक्यो मकैको समर्थन मुल्य

हेटौडा । मकवानपुरको बकैया गाउँपालिकाले मकैको न्यूनतम समर्थन मूल्य तोकेको छ । पालिकाले स्थानीयस्तरमा उत्पादित मकैको समर्थन मूल्य प्रतिकिलो ३५ रुपैयाँ निर्धारण गरेको हो । किसानले पालिकाद्वारा सञ्चालित कृषि औद्योगिक ग्राममा समेत मकै बिक्री गर्न सक्ने व्यवस्था मिलाइएको छ ।

‘किसानले बजारमा समर्थन मूल्यभन्दा कम मूल्य पाउने अवस्था सिर्जना भएमा पालिका आफैंले पनि तोकिएको समर्थन मूल्यमा मकै खरिद गर्नेछ,’ बकैया गाउँपालिका अध्यक्ष धर्मराज लामिछानेले भने । लागतअनुसार उचित मूल्य नपाएको गुनासो आउन थालेपछि पालिकाले स्थानीय किसानलाई राहत दिने उद्देश्यले मकैको समर्थन मूल्य निर्धारण गरिएको उनले बताए ।