सार्वजनिक कार्यक्रममा कुटिएपछि कक्रोज जनता पार्टीका संस्थापक दीपकेले के भने ?

भारत : कक्रोज जनता पार्टी (सीजेपी) का संस्थापक अभिजीत दीपकेसँग सोमबार जयपुरमा सार्वजनिक कार्यक्रममै कुटपिट भएको छ । जयपुरस्थित शहीद स्मारकमा सीजेपीले राष्ट्रिय योग्यता तथा प्रवेश परीक्षा (निट) पेपर लीक, शिक्षा व्यवस्था र बेरोजगारी जस्ता मुद्दालाई लिएर विरोध प्रदर्शन गरिरहेको थियो ।

भाइरल भिडियोमा अभिजीत दीपकेलाई उनका समर्थकहरूले काँधमा बोकेर लैजाँदै थिए, त्यही बेला भीडबाट केही युवाहरूले अचानक उनीमाथि आक्रमण गरेको भाइरल भिडियोमा देखन सकिन्छ । त्यसपछि भीडले ती युवाहरूलाई कुटपिट गर्‍यो, तर अभिजीत दीपकेले मञ्चबाट भने कि आक्रमण गर्ने युवाहरूलाई छोडिदिनु पर्छ ।

यसैबीच, सीजेपीका मिडिया इन्चार्ज अभिषेक जैनका अनुसार अभिजीत दीपकेलाई थप्पड हान्ने व्यक्तिहरूलाई प्रहरीले पक्राउ गरेको छ । ‘अभिजीत दीपकेलाई थप्पड हान्ने तीन युवासहित पाँच जनालाई नियन्त्रणमा लिइएको छ । उनीहरू कुनै संगठनसँग जोडिएका छन् कि छैनन् भन्ने अनुसन्धान भइरहेको छ’, जयपुर दक्षिणका डीसीपी राजर्षि राज वर्माले भने । कुटपिटपछि अभिजीत दीपकेले आफ्नो प्रतिक्रिया दिएका छन् ।

दीपकेले भनेका छन्, ‘आक्रमण डर र कायरताको संकेत हो ।’ उनले केन्द्रीय शिक्षा मन्त्री धर्मेन्द्र प्रधानको राजीनामाको माग दोहोर्‍याए । अभिजीत दीपकेले सामाजिक सञ्जाल प्लेटफर्म एक्समा लेखे, ‘शारीरिक आक्रमण डर र कायरताको संकेत हो । हामी आफ्नो आवाज शान्तिपूर्ण रूपमा उठाइरहनेछौं ।’ उनले थप लेखे, ‘म गान्धी र आम्बेडकरको अनुयायी हुँ र यो लडाइँ शान्ति र प्रेमका साथ जारी राख्नेछु । धर्मेन्द्र प्रधानले राजीनामा दिनुपर्छ ।’ उल्लेखनीय छ कि जयपुरस्थित शहीद स्मारकमा सीजेपीले निट पेपर लीक, शिक्षा व्यवस्था र बेरोजगारी जस्ता मुद्दामा प्रदर्शन गरिरहेको थियो ।

अभिजीत दीपकेलाई उनका समर्थकहरूले काँधमा बोकेर लैजाँदै गर्दा केही युवाहरूले अचानक आक्रमण गरेका थिए । सीजेपीका प्रवक्ता आशुतोष रांका पनि एक्समा लेख्छन्, ‘दीपकेमाथि आक्रमण गर्नेहरू सबै एक राष्ट्रिय पार्टीसँग जोडिएका छन् । उनीहरूको अनुहार पहिचान भइसकेको छ । यी सबै अराजक तत्वहरूलाई बेनकाब गरिनेछ ।’ आम आदमी पार्टीका नेता र दिल्लीका पूर्व उपमुख्यमन्त्री मनीष सिसोदियाले पनि उक्त आक्रमणको आलोचना गरेका छन् ।

उनले एक्समा लेखेका छन्, ‘डराएको र भ्रष्ट राजाको गुन्डाहरूको सेनाले यही गर्न सक्छ । यिनै मानिसहरूले निट जस्ता पेपर लीक गराएर लाखौँ युवाको भविष्य बिगारेका छन् र अहिले जब युवाहरूले शिक्षा मन्त्रीको राजीनामा मागिरहेका छन्, तब उनीहरूमाथि आक्रमण गरिरहेका छन्यो- अत्यन्तै कायरतापूर्ण काम हो ।’