आदेश दिनेहरू पनि छानबिनमा आऊन्

कैलालीको गोदावरी नगरपालिका–४ गाईबाँधेमा टेम्पोलाई भीरबाट खसालिएको घटनाले राज्यका निकायको कार्यशैली, कानुनी शासन र सार्वजनिक जवाफदेहितामाथि गम्भीर प्रश्न उठाएको छ । सामाजिक सञ्जालमा सार्वजनिक भएको भिडियोमा वन कर्मचारीहरूको समूहले टेम्पोलाई धकेलेर भीरबाट खसालिरहेको दृश्य स्पष्ट देखिन्छ ।

त्यसपछि उत्पन्न जनआक्रोशका बीच प्रहरीले १० जना वन कर्मचारीलाई पक्राउ गरी अनुसन्धान थालेको छ । तर यो घटनालाई केही कर्मचारीको व्यक्तिगत कमजोरी वा आवेगको परिणामका रूपमा मात्र हेर्न मिल्दैन । वास्तविक प्रश्न आदेश कसले दियो र यस्तो निर्णय कुन तहबाट भयो भन्ने हो ।