पाँचतले मन्दिरको तीन सय २३ वर्षबन्धन पूजा सम्पन्न

भक्तपुर। मल्ल राजा भूपतिन्द्र मल्लले नेपाल संवत् ८२२ असार शुक्ल प्रतिपदाको दिन निर्माण पूरा गरेको भक्तपुरको प्रसिद्ध न्यातपोल अर्थात् पाँचतले मन्दिरको तीन सय २३ वर्षबन्धन पूजा एवं झण्डोत्तोलन गरिएको छ ।

भक्तपुर टौमढीस्थित नेपालकै सबैभन्दा अग्लो प्यागोडा शैलीको न्यातपोल अर्थात् पाँच तले मन्दिरको तीन सय २३ वर्ष पूरा भएको अवसरमा बिहीबार मन्दिरको गजुरमा झण्डोत्तोलन गर्नुको साथै विशेष पूजा गरिएको छ । राजा भूपतिन्द्र मल्लले वर्षमा एक पटक वर्षबन्धन पूजाको परम्परा चलाएको र सो पूजा आजसम्म निरन्तर चली आएको छ ।