क्षतिग्रस्त भवन : कतै बन्दै, कतै पूरा हुँदै

पोहोर साल जेनजी आन्दोलनबाट क्षतिग्रस्त भवनहरूमध्ये झन्डै आधा जतिको पुनर्निर्माण सुरु भएको छ भने आधा जतिको पुनर्निर्माण गर्न सरकारले प्रक्रिया नै अघि बढाएको छैन।

पूर्वाधार विकास मन्त्रालयमातहतको सहरी विकास तथा भवन निर्माण विभागका महानिर्देशक रवीन्द्र बोहोराका अनुसार जेनजी आन्दोलनबाट क्षति पुगेका तथा आगलागी भएका भवनमध्ये आधाजति भवनको पुनर्निर्माण सुरु भएको र पुनर्निर्माण सुरु नभएका भवनहरूको पुनर्निर्माण गर्न चालु आर्थिक वर्षबाट प्रक्रिया सुरु हुने बताए। केही भवनको पुनर्निर्माण भइसकेको पनि उनले बताए।