‘तोकिएकै समयमा निर्वाचन हुनुपर्छ’

दाङ। पूर्वसञ्चार तथा सूचना प्रविधिमन्त्री रेखा शर्माले तोकिएकै समयमा निर्वाचन हुनुपर्ने बताएकी छिन् । दाङको बङ्गलाचुली गाउँपालिकाको आयोजनामा आइतबारदेखि सुरु भएको छैटौँ बङ्गलाचुली गाउँपालिका कप–२०८२ को उद्घाटन गर्दै पूर्वमन्त्री शर्माले जेनजी आन्दोलनले मुलुकमा सबै दलहरूलाई सच्याउने र सच्चिने अवसरसहित नयाँ निर्वाचनको मिति घोषणा भएकाले समयमै निर्वाचन हुनुपर्ने बताइन् ।

मुलुकको स्वाधिनता र उपलब्धिको रक्षाका लागि प्रतिनिधिसभाको निर्वाचन समयमा सम्पन्न गर्न दलहरू तयार बन्नुपर्नेमा जोड दिँदै उनले तोकिएको निर्वाचनलाई विफल बनाउन कोही पनि लाग्न नहुने बताइन्।