कान्समा नेपाली चलचित्रको सफलता ‘विश्वकप’ जिते जत्तिकै ऐतिहासिक: डंगोल

काठमाडौं महानगरपालिकाका कार्यवाहक प्रमुख सुनिता डंगोलले फ्रान्सको कान्समा सम्पन्न यस वर्षको फिल्म फेस्टिभल नेपाली चलचित्र उद्योगका लागि गर्व गर्न लायक क्षण भएको बताएकी छन्।

फेस्टिभलमा सहभागी भई स्वदेश फर्किएपछि त्रिभुवन अन्तर्राष्ट्रिय विमानस्थलमा सञ्चारकर्मीहरूसँग कुरा गर्दै उनले नेपाली कला र सिर्जनात्मक क्षेत्रको उचाइ अन्तर्राष्ट्रिय मञ्चमा अझ अग्लिएको धारणा राखिन्।