कम अनुभवी टिमको बहराइनसँग परीक्षा

काठमाडौँ — मैदानबाहिरको विवाद, अन्योल र अस्थिरताबीच नेपाली राष्ट्रिय फुटबल टोलीले बिहीबार राति ठुलै चुनौती सामना गर्दै छ । त्यो बहराइनविरुद्ध हुनेछ । विश्वकप र एसियन कप दुवैको छनोटमा रहेको यो खेल खासमा हुनुपर्ने नेपालमै हो ।

दशरथ रंगशालाको मैदान स्थिति गतिलो नभएपछि हकले आफ्नो भूमिमा खेल्न पाउने खेल गुमाएर नेपालले बहराइनी भूमिमा खेल्दै छ । यसै कारण नेपालले घरमा खेल्न पाउने सबै फाइदा मात्र गुमाउने छैन ।