काभा महिला भलिबल च्याम्पियनसिपमा भारतको लगातार दोस्रो जित

९ जेठ, काठमाडौं । काभा महिला भलिबल च्याम्पियनसिपमा भारतले लगातार दोस्रो जित हात पारेको छ । त्रिपुरेश्वरस्थित दशरथ रंगशाला कभर्डहलमा शनिबार भएको समूह एको खेलमा भारतले माल्दिभ्सलाई २५-९, २५-१४, २५-१७ ले पराजित गरेको हो ।

पहिलो खेलमा भारतले घरेलु टोली नेपाललाई ३-२ ले पराजित गरेको थियो । माल्दिभ्सको यो लगातार दोस्रो हार हो । दुई जितपछि भारत ५ अंक जोडेर शीर्ष स्थानमा उक्लेको छ ।