सर्वोच्च अदालतमा प्रस्तावित तीन न्यायाधीशविरुद्ध समितिमा पाँचवटा उजुरी

काठमाडौं । संसदीय सुनुवाइ समितिमा सर्वोच्च अदालतको न्यायाधीशमा प्रस्तावित तीन जना न्यायाधीश र एक न्यायपरिषद्का सदस्यविरुद्ध पाँचवटा उजुरी परेको छ । सातवटा उजुरीमा पाँचवटा व्यक्ति केन्द्रित रहेका छन् भने दुईवटा समावेशी नभएको भन्नेसँग सम्बन्धित छ ।

सर्वोच्चका न्यायाधीश प्रस्तावित मेघराज पोखरेल र श्रीकान्त पौडेलविरुद्ध दुई–दुईवटा उजुरी परेको छ भने शान्तिसिंह थापाविरुद्ध एउटा उजुरी परेको छ । न्यायपरिषद्को सदस्य पदमा प्रस्तावित महेशकुमार नेपालविरुद्ध कुनै उजुरी परेको छैन । प्रस्तावित न्यायाधीशविरुद्ध परेको उजुरीको विषयमा शुक्रबार उजुरीकर्तालाई बोलाएर छलफल हुनेछ ।