फेवातालमा ३६० सीमा स्तम्भ गाडियो

पोखरा । फेवातालमा झण्डै एक महिनामा ३ सय ६० सीमा स्तम्भ गाडिएको छ । पोखरा महानगरपालिका, गण्डकी प्रदेश र नेपाल सरकारको संयुक्त पहलमा ताल घरमा गत १७ जेठदेखि सीमा स्तम्भहरू गाड्ने कार्यको सुरुआत गरेको थियो ।

सर्वोच्च अदालतको आदेशअनुसार यसको संरक्षणका लागि तालको पुनः सीमाङ्कनपश्चात् सीमा स्तम्भ गाड्ने जारी रहेको हो । पोखरा उपत्यका नगर विकास समितिका कार्यालय प्रमुख प्रकाश सुवेदीका अनुसार बिहीबारसम्म ३ सय ६० सीमा स्तम्भ गाडिएका हुन् ।