न्यातपोल मन्दिर निर्माणको ३२३औं वर्ष पूरा

काठमाडौं । भक्तपुरस्थित तःमारी (तौमधिः)मा न्यातपोल (पाँचतले) मन्दिरको ३२३औं स्थापना दिवस (बुसादाँ) बिहीबार मनाइएको छ ।

भक्तपुरको टौमढीस्थित प्रसिद्ध ऐतिहासिक तथा सांस्कृतिक महत्वको पाँचतले मन्दिर न्यातपोल निर्माणको ३२३ वर्ष पूरा भएको छ । यस दिनलाई नेवारी भाषामा ‘ङातापोँलया बुसादाँ’ भनिन्छ । यो दिन तान्त्रिक विधिअनुसार पूजापाठ र दान दक्षिणा दिने चलन छ । यस दिन मन्दिरको मूलढोका खोलेर सम्बन्धित जोशी, आचाजु पुरोहितले सबैको सुख र शान्तिको कामना गर्दै विधिअनुसार पूजापाठ गर्ने र सामान्य सरसफाइ र मर्मत सम्भारसहित माथि गजुरमा ध्वजा चढाइएको छ ।