नसर्ने रोगको नियन्त्रणमा आयुर्वेदको भूमिका

१. पृष्ठभूमि र वर्तमान जनस्वास्थ्यको चुनौती

नेपालमा पछिल्ला दशकहरूमा जनस्वास्थ्यको परिदृश्यमा व्यापक परिवर्तन आएको छ। संक्रामक रोगहरूमा केही हदसम्म नियन्त्रण भए पनि नसर्ने रोगहरू (नन–कम्युनिकेबल डिजिज – एनसीडी्स) अहिले एउटा "सुषुप्त महामारी" का रूपमा देखा परेका छन् । सन् १९९० मा नेपालमा नसर्ने रोगबाट हुने मृत्यु कुल मृत्युको ३१.३% मात्र थियो, तर सन् २०२१ सम्म आइपुग्दा यो डरलाग्दो रूपमा बढेर ७१% पुगेको छ ।