४० को उमेरपछि मुटुलाई फिट राख्न गर्नै पर्छ यी परीक्षण

काठमाडौँ । अनियमित जीवनशैली र खराब खानपानले स्वास्थ्यमा नकारात्मक प्रभाव पार्छ । विगत केही वर्षहरूमा हामीले हृदयाघातका घटनाहरूमा वृद्धि भएको देखेका छौँ । पहिले वृद्ध व्यक्तिहरूमा मात्रै हार्ट अट्याक र ब्लकेजजस्ता समस्याहरू देखिन्थे ।

तर अहिले भने ४० वर्षको उमेर पछि यी समस्याहरूको जोखिम बढेका छन् । तपाईँ पनि ४० वर्ष कटिसक्नु भयो ? त्यसो भए, तपाईँले बेला बेलामा लिपिड प्रोफाइल, रक्तचाप परीक्षण, इलेक्ट्रोकार्डियोग्राम र तनाव परीक्षणहरू आदि गराउनै पर्छ । यी परीक्षणहरूले मुटुको कार्य र तनावको स्तरलाई चाँडै पहिचान गर्न र धेरै सम्भावित जोखिमहरूलाई रोक्न मद्दत गर्न सक्छन् ।