कीर्तिपुरको सुकुम्बासी होल्डिङ सेन्टरमा पानी पस्दा भिजे ओछ्यान, सकेनन् बालबच्चा सुत्न

विस्थापित सुकुम्बासीहरूलाई राख्न 'होल्डिङ' सेन्टरका रूपमा प्रयोग गरिएको काठमाडौंको कीर्तिपुरस्थित राधास्वामी सत्संग भवनमा मंगलबार राति पानी पसेको छ। वर्षा सँगसँगै छतबाट पानी चुहिनुका साथै ओढ्ने-ओछ्याउने पनि भिजेको यहाँ बसिरहेकाहरू बताउँछन्।

थापाथलीबाट विस्थापित भएका ३४ वर्षीय निरज थापा पहिलो दिनदेखि नै यहाँ बस्दै आएका छन्। उनी तीन जना बच्चा, श्रीमती र आमाबुबासँग छन्। अहिले पानी पसेपछि ओछ्यान भिजेको र बच्चाहरू सुत्न नसकेको उनले बताए।