कम्पनी ऐन २०८३ को मस्यौदा : खारेजी प्रक्रिया सहज, साना कम्पनीलाई राहत

काठमाडौँ । सरकारले १८ वर्ष पुरानो ‘कम्पनी ऐन, २०६३’ लाई समयसापेक्ष सुधार गर्ने तयारी तीव्र पारेको छ । उद्योग, वाणिज्य तथा आपूर्ति मन्त्रालयले नयाँ ऐनको मस्यौदा तयार पारी सरोकारवाला र सर्वसाधारणको राय सुझावका लागि सार्वजनिक गरेको छ ।

बदलिँदो व्यावसायिक वातावरण, डिजिटल अर्थतन्त्र, स्टार्टअप संस्कृति, अन्तर्राष्ट्रिय वित्तीय पारदर्शिता र वैदेशिक लगानीका नयाँ आयामलाई सम्बोधन गर्ने गरी तयार पारिएको कम्पनी ऐन २०८३ को मस्यौदामा विद्यमान ऐनभन्दा तात्विक रूपमा फरक र युगानुकूल व्यवस्था प्रस्ताव गरिएका छन् । मन्त्रालयले यस मस्यौदामाथि ७ दिनभित्र सुझाव दिन आह्वान गरेको छ ।