आर्सनलको शानदार जित

काठमाडौँ । प्रिमियर लिग अन्तर्गत आइतबार भएको खेलमा आर्सनलले टोटनह्यामलाई पराजित गर्दै शानदार जित हात पारेको छ। खेलको सुरुदेखि नै आक्रामक प्रदर्शन गरेको आर्सनलले टोटनह्यामलाई ४–१ गोल अन्तरले पराजित गरेको हो ।

आर्सनलका लागि पहिलो गोल ३६ औँ मिनेटमा लियान्ड्रो ट्रोसार्डले गरे। त्यसपछि एबेरेची एजे अद्भुत फर्ममा देखिए, उनले क्रमशः ४१ औँ, ४६ औँ र ७८ औँ मिनेटमा ह्याट्रिक पूरा गर्दै टोलीको विजय सुनिश्चित गरे।