च्याम्पियन्स लिग सेमिफाइनलः ९ गोलको रोमाञ्चक खेलमा पीएसजीको जित, बायर्न ५–४ ले पराजित

काठमाडौँ । युइएफए च्याम्पियन्स लिगको सेमिफाइनलको पहिलो लेगमा पेरिस सेन्ट जर्मेन (पीएसजी) ले बायर्न म्युनिखमाथि रोमाञ्चक जित हात पारेको छ । मंगलबार भएको गोलको वर्षा हुँदा पीएसजीले बायर्नलाई ५–४ गोल अन्तरले पराजित गरेको हो ।

घरेलु मैदानमा भएको यस प्रतिस्पर्धात्मक खेलमा पीएसजीका लागि ख्विचा क्वाराट्सखेलिया र ओस्मान डेम्बेलेले दुई–दुई गोल गरे । क्वाराट्सखेलियाले खेलको २४ औँ र ५६ औँ मिनेटमा गोल गरे भने डेम्बेलेले पहिलो हाफको इन्जुरी समयमा पेनाल्टीमार्फत र ५८ औँ मिनेटमा व्यक्तिगत दोस्रो गोल थपे । यस्तै, जोआओ नेभेसले खेलको ३३ औँ मिनेटमा एक गोलको योगदान दिएका थिए ।