आकर्षक रोजगारीको नाममा पटना पुर्‍याएर करोडौँ ठगी: ईश्वर ढकाल सोल्टी होटलबाट पक्राउ

इटहरी- आकर्षक रोजगारीको प्रलोभन देखाएर नेपाली युवाहरूलाई भारतको पटना पुर्‍याई करोडौँ रुपैयाँ ठगी गरेको आरोपमा इटहरीका ईश्वर ढकाल पक्राउ परेका छन्। वर्षेनी कम्पनीको नाम बदल्दै ठगी धन्दा चलाउँदै आएका ढकाल पक्राउ परेसँगै उनीविरुद्ध प्रहरीमा उजुरी दिने पीडितहरूको संख्या ह्वात्तै बढेको छ।

विशेष सुराकी र पीडितहरूको लामो समयको प्रयासपछि इलाका प्रहरी कार्यालय इटहरीको टोलीले ढकाललाई इटहरीस्थित सोल्टी होटलमा एक भारतीय मारवाडी व्यवसायीसँग बसिरहेको अवस्थामा नियन्त्रणमा लिएको हो। प्रहरीले ढकालसँगै रहेका ती भारतीय नागरिकलाई पनि अनुसन्धानका लागि नियन्त्रणमा लिएको छ।