‘माग्ने बुढा’ को अमेरिका बसाइ : ग्रीन कार्डको चर्चाबिच पत्नी सीताले खोलिन् वास्तविक रहस्य

काठमाडौँ । नेपाली कला क्षेत्रका चर्चित हास्य कलाकार केदार घिमिरे ‘माग्ने बुढा’ यतिबेला अमेरिकामा छन्। उनी लामो समयदेखि अमेरिकामा रहनुको पछाडि त्यहाँको स्थायी बसोबास अनुमति पत्र अर्थात् ‘ग्रीन कार्ड’ को प्रक्रिया चलिरहेको चर्चा बजारमा व्यापक छ।

यद्यपि, यस विषयमा केदार आफैँले भने अहिलेसम्म कुनै आधिकारिक जानकारी दिएका छैनन्। उनी तत्काल नेपाल फर्किने सम्भावना नदेखिएकै कारण दीपक–दीपा समूहको बहुप्रतीक्षित नयाँ फिल्म ‘छ माया छपक्कै २’ मा उनको स्थानमा अर्को कलाकारलाई समेटेर सुटिङ अगाडि बढाइएको छ।