इन्डोनेसियामा ६.७ म्याग्निच्युडको भूकम्प

मध्य इन्डोनेसियामा आज (मंगलबार) ६.७ म्याग्निच्युडको भूकम्प गएको छ। अमेरिकी भूगर्भीय सर्वेक्षणका अनुसार इन्डोनेसियाको मध्य सुलावेसी प्रान्तस्थित पालुको दक्षिणपूर्वमा बिहान १०ः२७ बजे (स्थानीय समय) भूकम्प गएको हो।

इन्डोनेसियाको मौसम विज्ञान, जलवायु विज्ञान र जियोफिजिक्स एजेन्सीका अनुसार पालु र सिगीमा भूकम्पको ठुलो झड्का महसुस गरिएको थियो, तर सुनामीको खतरा भने छैन। हालसम्म भूकम्पका कारण कुनै हताहत वा क्षतिको रिपोर्ट आइसकेको छैन।