जेनजी आन्दोलन सम्झदै मन्त्री गौतमले भनिन्- फेरि यस्तो दिन कहिल्यै नदोहोरियोस्

काठमाडौँ- कानुन, न्याय तथा संसदीय मामिलामन्त्री सोबिता गौतमले एक वर्षअघि सामाजिक सञ्जालमा लगाइएको प्रतिबन्ध, भ्रष्टाचार र कुशासनविरुद्ध आवाज उठाउँदै सडकमा उत्रिएका युवामाथि गोली चलाइएको घटनालाई लोकतान्त्रिक इतिहासको पीडादायी घटनाका रूपमा स्मरण गरेकी छन्।

उनले सामाजिक सञ्जालमा एक वर्षअघि आजकै दिन एउटा पुस्ता हृदयभरिको असन्तोष बोकेर सडकमा उर्लिएको उल्लेख गर्दै त्यस आन्दोलनमा सहभागी अधिकांश युवा र विद्यार्थीको आँखामा सपना, मनमा आक्रोश र राज्यसँग जवाफ माग्ने प्रतिरोधको स्वर रहेको बताएकी छन्।