११ महिनाको पुँजीगत खर्च दयनीय, यो वर्ष पनि सरकारलाई असारे विकासकै भर

काठमाडौँ । पुँजीगत खर्च मुलुकको आर्थिक समृद्धिको मेरुदण्ड मानिन्छ । त्यसैले विकास खर्च जति बढ्छ, अर्थतन्त्र त्यति नै सुदृढ र चलायमान बन्छ, तर पछिल्ला वर्षहरूमा विकास खर्चको ओरालो लाग्दो दरले अर्थतन्त्रलाई शिथिल बनाएको छ । बजेट निर्माणमै हुने त्रुटिका कारण खर्च लक्ष्यअनुसार हुन सकेको छैन ।

सरकारले बजेटमा विकास खर्चको ठुलो लक्ष्य घोषणा गर्ने, तर व्यवहारमा लागु नहुने अवस्था विद्यमान छ । आर्थिक वर्षको अन्तिमतिर हुने ‘असारे विकास’को प्रवृत्ति प्रतिफलयुक्त देखिँदैन ।