साउदी प्रो लिगः अल-नासरसँग अल-खलीज ४–१ गोलले पराजित

काठमाडौँ । साउदी प्रो लिगमा अल–नासरले अल–खलीजलाई ४–१ गोल अन्तरले पराजित गर्दै जित हासिल गरेको छ। खेलको पहिलो हाफमा जोआओ फेलिक्सले ३९औँ मिनेटमा गोल गर्दै टिमलाई अग्रता दिलाए। त्यसपछि वेस्लीले ४२औँ मिनेटमा थप गोल गर्दै पहिलो हाफको स्कोरलाई फराकिलो बनाए।

खेलको दोस्रो हाफमा अल–खलीजका मुराद अल–हवसावीले ४७औँ मिनेटमा गोल गर्दै टिमलाई खेलमा फर्काउन प्रयास गरे। तर साडियो मानेले ७७ औँ मिनेटमा गोल गर्दै अल–नासरको अग्रतालाई पुनः मजबुत बनाए। अन्तिम क्षणमा क्रिस्टियानो रोनाल्डोले थप एक गोल गर्दै टिमको शानदार जितलाई सुनिश्चित गरे।