बा

बा, तपाईंले यो संसार छोड्नुभएको उमेरको हाराहारीमा छु । तपाईं त्यति बेला के सोच्नुहुन्थ्यो होला भनेर यतिखरे म सोचिरहेछु । तपाईं बा हुनुभएको अभिभावकत्वमा मेरो कुनै गुनासो छैन । सबै बाहरूले आफूले जानेजसरी र सकेजति आफ्ना सन्तानलाई गर्ने नै हुन् ।

वास्तवमा सन्तान भनेका बाआमाका ठूला कमजोरी रहेछन् । जोसँग र जसका लागि जतिखेर पनि हारिरहनुपर्ने, त्यही हारमा आफ्नो जीवन देख्ने ।