हाइ–स्कोरिङ खेलमा मुम्बईमाथि सनराइजर्स हैदरावादको सानदार जित, रायन रिकेटनको शतक छायामा

काठमाडौँ । इन्डियन प्रिमियर लिग (आइपिएल) अन्तर्गत बुधबार सम्पन्न खेलमा सनराइजर्स हैदरावादले मुम्बई इन्डियन्सलाई ६ विकेटले पराजित गरेको छ । मुम्बईले प्रस्तुत गरेको २४४ रनको विशाल लक्ष्य हैदरावादले ८ बल बाँकी छँदै १८.४ ओभरमा ४ विकेट गुमाएर २४९ रन बनाउँदै पूरा गर्‍यो ।

टस हारेर पहिले ब्याटिङको निम्तो पाएको मुम्बई इन्डियन्सले निर्धारित २० ओभरमा ५ विकेट गुमाएर २४३ रनको विशाल योगफल खडा गरेको थियो । मुम्बईका लागि रायन रिकेटनले विष्फोटक ब्याटिङ गर्दै ५५ बलमा १२३ रनको अविजित शतकीय इनिङ्स खेले । त्यस्तै, विल ज्याक्सले २२ बलमा ४६ र कप्तान हार्दिक पाण्ड्याले १५ बलमा ३१ रनको योगदान दिए । बलिङतर्फ हैदरावादका प्रफुल हिन्गेले २ विकेट लिए भने इसान मलिङ्गा र नीतिश कुमार रेड्डीले १–१ विकेट झारे ।