भारतको डिजिटल विद्रोहको नयाँ विम्ब

काठमाडौँको वसन्तपुर डबली होस् या नयाँ बानेश्वरको चोक, भद्रकालीको सडक होस् या फेसबुक र टिकटकका अल्गोरिदम, पछिल्ला केही वर्षयता नेपाली राजनीति एउटा बलियो ‘युवा लहर’को वरिपरि घुमिरहेको छ । पुराना दलहरूको अकर्मण्यता, बेरोजगारीले निम्त्याएको चरम निराशा र परिवर्तनको तीव्र छटपटीबिच ‘स्वतन्त्र’ र ‘पपुलिस्ट’ नाराहरूले नेपाली युवा मानसपटललाई कब्जा गरेका छन् ।

छिमेकी देश भारतमा पनि युवा आक्रोश र डिजिटल प्रविधिको सम्मिश्रणले एउटा यस्तो सुनामी ल्याएको छ, जसले रैथाने राजनीतिको व्याकरण नै बदल्ने सङ्केत गरिरहेको छ । यसको पछिल्लो र सबैभन्दा विद्रोही विम्ब बनेर उदाएको छ, कक्रोच जनता पार्टी (सीजेपी) ।