मार्किचोक सबस्टेसनमा ३० एमभिएको नयाँ ट्रान्सफर्मर जडान गरिँदै

तनहुँको आँबुखैरेनी गाउँपालिका–२ स्थित मार्किचोक सबस्टेसनमा नयाँ ट्रान्सफर्मर ल्याएर जडान कार्य सुरु गरिएको छ । पुरानो ट्रान्सफर्मरमा खराबी आई प्रभावकारी रूपमा काम गर्न छाडेपछि थप क्षमता तथा आधुनिक (एड्भान्स) प्रविधियुक्त नयाँ ट्रान्सफर्मर ल्याइएको हो ।

नेपाल विद्युत् प्राधिकरण तनहुँ वितरण केन्द्रका सूचना अधिकारी इन्जिनियर बेनी नेपालीका अनुसार ३० एमभिए क्षमताको पावर ट्रान्सफर्मर ल्याइएको छ । हाल उक्त ट्रान्सफर्मर जडानको कार्य तीव्र रूपमा भइरहेको र भोलि आइतबारसम्ममा सम्पन्न हुने उहाँले जानकारी दिनुभयो ।