मानव सेवा आश्रमको भवन बनाउन पोखरामा महायज्ञ हुने

पोखरा । पोखरा–२५ हेम्जास्थित मानव सेवा आश्रमले भवन निर्माणका लागि महायज्ञ लगाउने भएको छ । यही वैशाख १९ गतेदेखि २६ गतेसम्म श्रीमद् भागवत् सप्ताह पितृ उद्दार ज्ञानविज्ञान महायज्ञको तयारी गरेको हो । बुधबार पोखरामा आयोजित पत्रकार सम्मेलन मार्फत महायज्ञको बारेमा जानकारी दिइएको हो ।

महायज्ञबाट संकलित दान रकमबाट आश्रमले हेमजा शाखाको निर्माणाधीन भवनको सम्पन्नता, लक्ष्मीनारायण मन्दिर निर्माण, मुक्तिनाथ सेवा धर्मशाला निर्माण तथा अक्षयकोष वृद्धिका लागि खर्च गरिने महायज्ञ मूल समारोह समितिका संयोजक अनिलकुमार शाहीले जानकारी दिए ।