अमेरिकाको बमवर्षक विमान दुर्घटनाग्रस्त, ८ जनाको मृत्यु

एजेन्सी । सोमबार बिहान अमेरिकाको क्यालिफोर्नियास्थित एडवर्ड्स एयरफोर्स बेसमा अमेरिकी वायुसेनाको बी–५२ स्ट्राटोफोट्र्रेस विमान दुर्घटना हुँदा जहाजमा सवार सबै आठजनाको मृत्यु भएको छ । उडान भरेको केही बेरमै विमान भुइँमा बजारिएर दुर्घटनाग्रस्त भएको थियो ।

एडवर्ड्स एयरफोर्स बेसले जारी गरेको विज्ञप्ति अनुसार, प्रारम्भिक अध्ययनमै यो दुर्घटना निकै भयानक रहेको र कोही पनि जीवित रहने सम्भावना नरहेको देखिएको थियो । दिउँसो आयोजित पत्रकार सम्मेलनमा मृत्युको पुष्टि गर्दै कर्णेल जेम्स हेसले भने, ‘आज एडवर्ड्स एयरफोर्स बेसले एउटा भयानक त्रासदी भोगेको छ । हामीले आठजना महान् अमेरिकीहरूलाई गुमाएका छौं ।’