ताराकुमारीले फलाइन् हिमाली भेगमा अङ्गुर, सफल हुँदैन भन्नेहरू चकित

म्याग्दी । ‘धान फल्ने खेतमा सुन्तला र अङ्गुर लगाएर के हुन्छ ?’ भन्ने प्रश्न र आलोचनालाई चुनौती दिँदै पर्वतको जलजला गाउँपालिका-८ लुप्राङकी ताराकुमारी रेग्मीले उच्च पहाडी क्षेत्रमा अङ्गुरखेतीको सफल परीक्षण गरेकी छन्।

अहिले उनको बगैँचाले राम्रो उत्पादन दिन थालेको छ भने वार्षिक लाखौं रुपैयाँ आम्दानीको स्रोत बनेको छ। समुद्री सतहदेखि करिब एक हजार आठ सय मिटर उचाइमा रहेको लुप्राङस्थित श्रीहरी कृषि तथा पशुपन्छी फार्ममा चार वर्षअघि भारतबाट ल्याइएका अङ्गुरका बिरुवाले उत्पादन दिन थालेका हुन्।