पाकिस्तानका लागि इतिहास रच्दै यी इराकी खेलाडी

न्युयोर्क । विश्वकप २०२६ अन्तर्गत मंगलबार हुने खेलमा इराकको तर्फबाट एक म्यानचेस्टर युनाइटेडका पूर्वखेलाडी मैदान प्रवेश गरेभने उनले पुरुष विश्वकप फुटबलमा एउटा नयाँ इतिहास रच्नेछन्। अचम्मको कुरा के छ भने यो ऐतिहासिक क्षण उनले प्रतिनिधित्व गरिरहेको देश इराकका लागि नभएर छिमेकी मुलुक पाकिस्तानका खेलप्रेमीहरूका लागि गौरवको विषय बन्नेछ।

२४ करोडभन्दा बढी जनसंख्या भएको र विश्वकै पाँचौँ ठूलो देश पाकिस्तानको राष्ट्रिय फुटबल टोली अहिलेसम्म विश्वकपमा छनोट हुन सकेको छैन। आफ्नो सम्पूर्ण फुटबल इतिहासमा पाकिस्तानले विश्वकप छनोटको मात्र एक खेल जितेको छ। फिफा वरीयताको १९८ औँ स्थानमा रहेको यो दक्षिण एसियाली मुलुक फुटबलमा विश्वकै १५ खराब प्रदर्शन गर्ने देशहरूको सूचीमा पर्दछ, जसका कारण यहाँका नागरिकले विश्वकपको महाकुम्भमा आफ्नो प्रतिनिधित्व गर्ने कसैलाई पनि हुटिङ गर्ने मौका पाएका थिएनन्।