नारायणहिटी दरबार संग्रहालय : खोलिँदै छ थप कक्ष !

काठमाडौं । नारायणहिटी दरबार संग्रहालयका कार्यकारी निर्देशक डा. सुरेशसुरस श्रेष्ठले यसको प्रभावकारी व्यवस्थापनका निम्ति स्पष्ट राष्ट्रिय नीति आवश्यक रहेको बताएका छन् । अन्तर्राष्ट्रिय संग्रहालय दिवसका अवसरमा शनिबार (जेठ ९) आयोजित एक कार्यक्रममा उनले नीतिगत अभावका बाबजुद यसको आधुनिकीकरण, अभिलेखीकरण र भौतिक सुधारका कार्य अगाडि बढाइरहेको जानकारी दिए ।

नेपालमा संग्रहालयशास्त्र (म्युजियोलोजी) अध्ययन गरेका दक्ष जनशक्तिको उपलब्धता पर्याप्त रहेको उनले उल्लेख गरे । त्रिभुवन विश्वविद्यालय र लुम्बिनी बौद्ध विश्वविद्यालयमार्फत उत्पादित जनशक्तिले संग्रहालय क्षेत्रमा योगदान दिइरहेको उनले बताए । उनले उचित नीतिको अभावमा सोचेअनुरूपको फड्को मार्न नसकिएको स्वीकार गरे ।