म्याग्दी खोलामा जलसतह सतर्कता तहमा, सतर्क रहन विभागको आग्रह

बाग्लुङ। बाग्लुङ जिल्लाको म्याग्दी खोलामा पानीको सतह सतर्कता तहमा पुगेको भन्दै जल तथा मौसम विज्ञान विभागले स्थानीय बासिन्दालाई उच्च सतर्कता अपनाउन आग्रह गरेको छ। विभागले दिएको जानकारी अनुसार मंगलाघाट जलमापन केन्द्रमा शनिबार राति १०ः५५ बजे खोलाको सतह सतर्कता तहको आसपासमा पुगेको र निरन्तर बढ्दो क्रममा रहेको छ।

खोलाको जलसतह वृद्धि भइरहेकाले नदी आसपासका तटीय बस्ती तथा डुबानमा पर्ने होचा भू(भागमा विशेष सावधानी अपनाउन भनिएको छ। जल तथा मौसम विज्ञान विभागले संभावित जोखिमलाई मध्यनजर गर्दै नदी किनारका बासिन्दालाई सुरक्षित स्थानमा सर्ने र जोखिमपूर्ण क्षेत्रमा नजान अनुरोध गरेको छ।