घण्टाघरमा चहलपहल

सुर्खेत। कर्णाली प्रदेशको राजधानी वीरेन्द्रनगरको मध्य भागमा ऐतिहासिक घण्टाघर छ। घण्टाघर संरक्षण तथा नियमित रेखदेखमा वीरेन्द्रनगर नगरपालिका सक्रिय छ। नगरपालिकाले घण्टाघरवरपरका संरचना निर्माणका साथै संरक्षणको काम पनि अघि बढाएको छ।

घण्टाघर क्षेत्र सहरको पहिचानसँग जोडिएको महत्त्वपूर्ण संरचना भएकाले पनि यसको सौन्दर्यीकरण र ऐतिहासिक महत्त्व जोगाउन पहल थालिएको हो। घण्टाघर क्षेत्रको संरचना मर्मत, सरसफाइ तथा आसपासको क्षेत्र व्यवस्थापनलाई नगरपालिकाले प्राथमिकतामा राखेको नगरप्रमुख मोहनमाया ढकाल बताउँछिन्।