किर्गिस्तानमा १०९ देशका खेलाडी सहभागी विश्व घुमन्ते खेलकुदको रौनक

किर्गिस्तानमा घुमन्ते समुदायको परम्परा, संस्कृति र प्राचीन खेलकुदलाई विश्वमाझ प्रस्तुत गर्दै छैटौं विश्व घुमन्ते खेलकुद महोत्सव सम्पन्न भएको छ। अगस्ट ३१ देखि सेप्टेम्बर ६ सम्म चलेको प्रतियोगिताको समापन इस्सिक–कुल तालको किनारमा रहेको चोल्पोन–आटाको विशाल घोडा दौड मैदानमा भव्य समारोहसहित गरिएको हो।

यस वर्षको प्रतियोगितामा १०९ देशका ३ हजारभन्दा बढी खेलाडी सहभागी भएका थिए। उनीहरूले घोडचढी, धनुर्विद्या, कुस्ती तथा मध्य एसियाली घुमन्ते समुदायसँग सम्बन्धित विभिन्न परम्परागत खेलका ४२ विधामा प्रतिस्पर्धा गरेका थिए। यसलाई अहिलेसम्मकै सबैभन्दा ठूलो विश्व घुमन्ते खेलकुद महोत्सवका रूपमा आयोजकहरूले बताएका छन्।