‘हर्ष’ मा सन्तान नहुँदाको पिडा मेरो पात्रले बोल्छ: वर्षा

काठमाडौँ । ‘नाइँ नभन्नू ल ४’ बाट आफ्नो करियर सुरु गरेकी वर्षा राउत अहिले करियरको दस वर्षमा छिन् । यो अवधिमा उनी ‘गर्ल नेक्स्ट डोर’ र गृहिणीको भूमिकामा बढी देखिएकी छन् ।

एकता पौडेलको डेब्यु निर्देशन रहेको फिल्म ‘हर्ष’ मा उनले वंश परम्परा धान्नुपर्ने पुरातन सोचको चेपुवामा परेकी बुहारीको भूमिकामा अभिनय गरेकी छन् । धेरैजसो मल्टिस्टार फिल्ममा देखिएकी वर्षा यो फिल्ममा भने केन्द्रीय भूमिकामा देखिँदै छिन् । धेरैपछि कुनै फिल्मको केन्द्रीय पात्रका रूपमा देखा पाउन लागेकोमा उनी उत्साहित छिन् ।