हट्यो आकाशे पानीको भरोसा, पुग्यो खेतबारीसम्मै सिँचाइ

केही वर्षअघिसम्म बाँकेको राप्तीसोनारी गाउँपालिका–८ बालापुरका किसान लोकबहादुर खत्रीका लागि खेती भनेको जोखिम थियो। असार लागेपछि उनको नजर आकाशतिर हुन्थ्यो। बादल लाग्दा आशा पलाउँथ्यो, पानी नपर्दा चिन्ता बढ्थ्यो। खेतमा बाली लगाउने कि नलगाउने भन्ने निर्णयसमेत मौसमले गथ्र्यो। मेहनत धेरै हुन्थ्यो, तर उत्पादनले परिवारको आवश्यकता पूरा गर्न मुस्किल पथ्र्यो।

आज भने त्यही लोकबहादुरको दिनचर्या बदलिएको छ। खेतमा हरियाली छ, बालीका लहराहरू छन् र भविष्यप्रति विश्वास पनि छ। उनी भन्छन्, ‘पहिला खेती गरेर खान पनि पुग्दैनथ्यो। अहिले भने खान पुगेर केही बचतसमेत गर्न सक्ने भएका छौँ। दुई वर्षदेखि लिफ्ट सिँचाइको पानी आउन थालेपछि खेतबारी सधैँ हरियो देखिन्छ।’