नाडाले भन्यो- आगामी आर्थिक वर्षको बजेटले गाडीको मूल्य बढाउँछ

काठमाडौं । नाडा अटोमोवाईल्स एशोसिएशन अफ नेपालले नयाँ बजेटले गाडीको मूल्य बढाउने जनाएको छ । सरकारको वर्तमान कर नीतिले विद्युतीय लगायत इन्धनबाट चल्ने सवारी साधनहरू समेतको मूल्य बढ्ने भएको हो ।

नाडाले विज्ञप्ति जारी गर्दै भनेको छ– आगामी आर्थिक वर्ष २०८३/८४ को बजेटले विद्युतीय सवारी साधनमा लाग्दै आएको अन्तःशुल्क हटाएर स्वच्छ पूर्वाधार लगानी शुल्क लगाउने व्यवस्था गरेको छ । सरकारको वर्तमान कर नीतिले विद्युतीय लगायत इन्धनबाट चल्ने सवारी साधनहरू समेतको मूल्य बढ्ने देखिएको छ ।