निजी क्षेत्रलाई सजाय होइन, लगानीको वातावरण चाहिन्छ -डिके ढुंगाना

काठमाडौं । प्याब्सनका पूर्वअध्यक्ष एवं रेडियन्ट स्कुलका संस्थापक डिके ढुंगानाले सरकारले सबै काम एक्लै गर्न नसक्ने भएकाले निजी क्षेत्रलाई निरुत्साहित गर्नुको साटो लगानी र उद्यमशीलताको वातावरण बनाउनुपर्नेमा जोड दिएका छन् ।

केन्द्रबिन्दु अनलाइन मिडिया प्रालिको आयोजनामा मंगलबार ललितपुरमा सम्पन्न ‘चौथो केन्द्रबिन्दु एजुकेसन एक्सिलेन्स अवार्ड २०८३’ अन्तर्गत ‘के नेपाललाई एजुकेशन हब बनाउन सकिन्छ ?’ विषयक प्यानल डिस्कसनमा ढुंगानाले राष्ट्रिय स्वतन्त्र पार्टी (रास्वपा) को चुनावी वाचापत्रमा नेपाललाई शैक्षिक हब बनाउने कुरा समेटिए पनि बजेटमा विद्वान् अर्थमन्त्रीले त्यसलाई ठाउँ नदिएको भन्दै असन्तुष्टि जनाए ।