मिलेमतोमा ठेक्का, प्रमाण लुकाउन कागजात नै गायब

काठमाडौँ । सरकारी स्वामित्वको एक्स्काभेटर भाडामा दिँदा मिलेमतो गरी करिब ४७ लाख रुपैयाँ राजस्व हिनामिना गरेको आरोपमा अख्तियार दुरुपयोग अनुसन्धान आयोगले डोटीको बडीकेदार गाउँपालिकाका तत्कालीन अध्यक्ष र उपाध्यक्षसहित ८ जनाविरुद्ध भ्रष्टाचार मुद्दा दायर गरेको छ।

अख्तियारले उनीहरूविरुद्ध मङ्गलबार विशेष अदालत काठमाडौँमा आरोपपत्र दायर गरेको हो। मुद्दा दायर गरिएकाहरूमा गाउँपालिकाका तत्कालीन अध्यक्ष कृष्णबहादुर चन्द, उपाध्यक्ष इन्द्राकुमारी बोहरा, निमित्त प्रमुख प्रशासकीय अधिकृत दीपकराज जैशी, सब–इन्जिनियर दानबहादुर पछेरा र लेखापाल युवराज भट्ट रहेका छन्।