चोलेन्द्रलाई संवैधानिक इजलासबाटै चोख्याइने आशंका

काठमाडौँ। पूर्वप्रधानन्यायाधीश चोलेन्द्रशमशेर जबराको महाअभियोग प्रस्तावमाथि सुनुवाइ गर्न १० भदौमा बसेको संवैधानिक इजलास उक्त मुद्दा हेर्दाहेर्दैमा सकियो। भोटेकोशी नदीमा आएको बाढीपछि एकैपटक भोलि २४ भदौमा संवैधानिक इजलास बोलाइएको छ।

सर्वोच्च अदालतका प्रवक्ता एवम् सहरजिष्ट्रार अर्जुनप्रसाद कोइरालाका अनुसार जबराविरुद्धको निवेदनमा ३ भदौबाट संवैधानिक इजलास बस्न थालेको थियो। सर्वोच्च अदालतमा हरेक साता बुधबार संवैधानिक इजलास बस्ने गरेको छ। २४ भदौमा महाअभियोगको सुनुवाइ सकिन्छ सकिँदैन अहिले दाबी गर्न सकिन्न। “उक्त निवेदन लगातार दुई पटक हेर्दाहेर्दैमा छ, भोलि फेरि इजलास बस्दैछ,” कोइराला भन्छन्, “भोलि सकिएन भने फेरि हेर्दाहेर्दैमा रहेर अर्को दिनमा सुनुवाइ हुन सक्छ।”