दुर्गा प्रसाईंको नागरिक बचाउ अभियान र धवलशमशेरको समूहबीच एकता

काठमाडौं । राष्ट्रवादी, राजावादी, देशभक्तलाई एक गर्ने भन्दै दुर्गा प्रसाईंको नागरिक बचाउ अभियान र राष्ट्रिय प्रजातन्त्र पार्टी (राप्रपा¬)का निवर्तमान महामन्त्री धवलशमशेर राणाको समूहबीच एकता भएको छ ।

दुवै समूहको एकतामा पुराना शक्तिको विकल्पमा आएझैँ राष्ट्रवादको मुद्दामा एकाकार हुँदै रास्वपाको पनि विकल्प खोज्ने भनिएको छ । सनातन हिन्दु अधिराज्य पुनर्स्थापना, पृथ्वीनारायण शाहको दिव्योपदेशमा आधारित दर्शन र दोहोरो नागरिकता पाउनेगरी एकपटकको नेपाली सधैँको हुनेगरी नयाँ पार्टी बनाउने घोषणा गरिएको छ ।