विश्वविद्यालयका उपकुलपति उम्मेदवारको प्रस्तुतीकरण र अन्तर्वार्ता असार १३ देखि १५ गतेसम्म

काठमाडौँ । शिक्षा तथा खेलकुद मन्त्रालयले विभिन्न आठ वटा विश्वविद्यालयका उपकुलपति पदका उम्मेदवारहरूको प्रस्तुतीकरण तथा अन्तर्वार्ताकाे मिति तोकेको छ । मन्त्रालयले मङ्गलबार एक सूचना जारी गर्दै असार १३ गतेदेखि १५ गतेसम्म अन्तर्वार्ता मिति तोकेको हो।

त्रिभुवन विश्वविद्यालय, सुदूरपश्चिम विश्वविद्यालय,मध्यपश्चिम विश्वविद्यालय, कृषि तथा वन विज्ञान विश्वविद्यालय, पोखरा विश्वविद्यालय, राजर्षि विश्वविद्यालय, लुम्बिनी बौद्ध विश्वविद्यालय र पूर्वाञ्चल विश्वविद्यालयमा उपकुलपति पदका उम्मेदवारहरूको प्रस्तुतीकरण हुनेछ । प्रस्तुतीकरण शिक्षा तथा खेलकुद मन्त्रालयमा हुनेछ।