पोखराका पर्यटन व्यावसायी भन्छन्: बिदामा घुम्ने पाहुना आउनै पाएनन्

सरकारले आइतबार पनि बिदा दिन थालेपछि कर्मचारीले सातामा दुईदिन सार्वजनिक बिदा पाउँछन्। त्यसबाहेक बिचबिचमा थपिने बिदा पनि पर्दै जाँदा अघिल्लो साता लगातार तीनदिन बिदा भयो। यो साता पनि पाँचदिन अवधिमा बिचमा एकदिन मात्र कार्यालय खुल्यो, नत्र चारदिन बिदा नै रह्यो।

पोखराको पर्यटनको माहोल आन्तरिक पर्यटकको आउजाउको आधारमा तलमाथि भइरहन्छ। सामान्यतया सातामा एकदिन सार्वजनिक बिदा हुँदा पनि पोखरामा आन्तरिक पाहुनाको आगमन थपिन्थ्यो। त्यसपछि अहिलेको सरकारले सातामा दुईदिन बिदा दिएपछि त पर्यटन क्षेत्रले पर्याप्त मात्रामा आन्तरिक पाहुना भित्र्याउन सकेको थियो। सातामा दुईदिन सार्वजनिक बिदा दिँदा पर्यटन क्षेत्रमा आन्तरिक पाहुनाको भीड बढ्ने गरेको थियो। त्यसले व्यावसायीलाई पनि खुसी तुल्याएको थियो। सिजन वा अफसिजनमा पनि बिदा हुनासाथ आन्तरिक पाहुना पोखरा आइहाल्थे।