श्रेयस अय्यरको शतकसँगै पन्जाबको सानदार जित, प्लेअफको सम्भावना कायमै

काठमाडौँ । श्रेयस अय्यरको उत्कृष्ट शतकीय इनिङ्सको मद्दतमा पन्जाब किंग्स ले इन्डियन प्रिमियर लिगमा लखनउ सुपर जायन्ट्स लाई ७ विकेटले पराजित गर्दै प्लेअफको सम्भावना जीवितै राखेको छ ।

लखनउले दिएको १९७ रनको चुनौतीपूर्ण लक्ष्य पञ्जावले १२ बल बाँकी छँदै १८ ओभरमा मात्र ३ विकेट गुमाएर पूरा गर्‍यो । पन्जाबको जितमा श्रेयस अय्यरले विष्फोटक ब्याटिङ गर्दै ५१ बलमा १०१ रनको अविजित शतकीय इनिङ्स खेले। उनलाई बलियो साथ दिँदै प्रभसिमरन सिंहले ३९ बलमा ६९ रन बनाए भने कुपर कोनोलीले १० बलमा १८ रनको योगदान दिए । लखनउका तर्फबाट बलिङमा मोहम्मद शामीले २ तथा अर्जुन तेन्दुलकरले १ विकेट लिए ।