गुरिया बनाएर पूजा गर्दै गुरही खुसी पार्दै थारू समुदाय

थारू समुदायले गुरिया (गुरही) पिटेर नाग देउतालाई खुसी पारेका छन् । कपडाको टालोले गुरिया बनाएर पूजा गर्दै गुरही पर्व मनाइएको छ ।

थारू समुदायका युवतीहरु थालमा गुरियासँगै घुघरी (चना, मटर भुटेर बनाएको परिकार), खँडिया (पिठो र कर्कलोको पातको परिकार) राखेर पूजा गर्ने मान्यता रहेको छ । नाग पञ्चमीको दिन साँझ घरमा चर्न गएका गाई भैँसी फर्काउने समयमा यो पूजा गर्ने गरेको थारू कल्याणकारी सभा कपिलवस्तुका अध्यक्ष पवन थारूले बताउनुभयो ।