टिपरको ठक्करबाट एक जनाको मृत्यु, २ घाइते

रौतहट : रौतहटमा टिपरको ठक्करबाट एक जनाको मृत्यु भएको छ। २ जना घाइते भएका छन्। मंगलबार ४ बजे गरुडा चिनीमिल नजिक ढुङ्गा–गिटी बोकेको मधेश प्रदेश ०३–००१ क २५१६ नम्बरको टिपरले विपरीत दिशाबाट आइरहेको ना २८ प ७२५९ नम्बरको मोटरसाइकललाई ठक्कर दिँदा कटहरिया नगरपालिका–६ फतेपुरका २० वर्षीय शेख स्वयलको घटनास्थलमै मृत्यु भएको छ।

दुर्घटनामा मोटरसाइकलमा सवार गरूडा नगरपालिका–८ जिंगडियाका शेख मनिरका २२ वर्षीय छोरा शेख आशिक तथा सोही स्थानका शेख अब्दुलका ३ वर्षीय छोरा महम्मद कम्रान घाइते भएका छन्। घाइते दुवै जनाको उपचार भइरहेको बताइएको छ।